چاوپێکەوتنی تایبەت: باڵیۆز جولیەت گەندی، باڵیۆزی نوێنەرایەتی ناتۆ لە عێراق

باڵوێز گەندی: نەخێر، من دەڵێم زۆر لەوە یەکگرتووترە. هەروەها NMI ڕاوێژکاری مەدەنی هەیە کە هەرگیز یەکپۆشییان (واتە جلوبەرگی سەربازیی) لەبەر نەکردووە بەڵام شارەزان لە بوارەکانیاندا. ئێمە زۆر کەسی مەدەنی وەک خۆممان هەیە کە لە وەزارەتەکانی بەرگری و دامەزراوە جیاوازەکانی وڵاتەکانیان خزمەتیان کردووە. وە ئێمە زۆر لە نزیکەوە لەگەڵ قسەکەرەکانمان لە کەرتی ئاسایشی عێراقەوە کاردەکەین بۆ پلاندانان.

باڵوێز گەندی: ئێمە بە پلەی یەکەم لەگەڵ وەزارەتی بەرگری و هێزە چەکدارەکانی عێراقدا کاردەکەین. وە لە مانگی ئابی ساڵی ڕابردووەوە، ئەرکەکەمان فراوانتر بوو بۆ ئەوەی خزمەتگوزاری ڕاوێژکاریش پێشکەش بە پۆلیسی فیدراڵی عێراق، و پێکهاتەکانی دیکەی وەزارەتی ناوخۆی عێراق بکەین.

باڵوێز گەندی: ئێمە پەیوەندییەکی زۆر باشمان لەگەڵ دامەزراوە و هێزە جیاوازە ئەمنییەکانی عێراقدا هەیە کە ڕاوێژیان پێدەدەین. ستافی نوێنەرایەتی ناتۆ لە عێراق پێش گەیشتنیان بە هەر ئەرکێک ڕاهێنان ئەنجام دەدەن بە مەبەستی دڵنیابوون لە گواستنەوەی بێ کێشەی کارمەندەکان کاتێک گۆڕانکاری ڕوودەدات. دیارە ڕادەستکردنەوە لە ڕاوێژکارێکەوە، یان تیمێکی ڕاوێژکارەوە بۆ ڕاوێژکارێکی دیکە، پرۆسەیەکی سروشتییە لە ئەرکەکەدا. بەڵام هیچ ڕاوێژکارێک بەبێ ڕاهێنان و پێشینەی مێژوویی و ناساندنی وردی ئەرکەکە ناگاتە ئەم شوێنە. چەند ساڵێکە لێرە بوون و توانای پێشکەشکردنی ئەو پشتگیرییە بۆ ستافەکە و هەبوونی پەیوەندییەکی باشی کارکردن لەگەڵ هاوبەشە عێراقییەکان، هەندێک لەو خاڵە بەهێزانەن کە نوێنەرایەتی ناتۆ لە عێراقدا هەیەتی. وە لەبەر ئەوەی ئێمە ساڵانێکە لە نزیکەوە کار لەگەڵ وەزارەتی بەرگریدا دەکەین، پێموانییە گەشتکردن بە سروشتی کارەکانمان قورس بێت.

ئێمە تیمێکی نایابی وەرگێڕمان هەیە کە یارمەتیدەرن بۆ دابینکردنی پەیوەندییەکی بەردەوام. بۆ ئێمە بە هەمان شێوە گرنگە ئەو جۆرە بەردەوامییە دابین بکەین، چونکە بەبێ ئەوە، بۆ هاوکارەکانمان قورس دەبێت کە هەر شەش مانگ جارێک، یان هەموو ساڵێک، مامەڵە لەگەڵ کەسانێکی نوێدا بکەن، کە ئاشنا نییە بە سیستەمەکە. کەواتە، گەیشتن بە ئێرە و ئامادەکاری بۆ ئەرکەکە بە هەموو شێوەیەک، بەشێکە لە بەرپرسیارێتی ئێمەش.

باڵوێز گەندی: ئەمە بەشێک نییە لە ئەرکی ئێمە و بەشێک نییە لە ڕۆڵی ڕاوێژکاری و بنیاتنانی تواناکان. نوێنەرایەتی ناتۆ لە عێراق ئەرکێکی ڕاوێژکاری ناجەنگییانەی هەیە و ئەرکی ئێمە بە ڕوونی بەو شێوازەیە کە دانراوە. ئەرکی ئێمە پەیوەندی بە وەزارەتی بەرگری و وەزارەتی ناوخۆ و هەروەها پۆلیسی فیدراڵیەوە هەیە لە سەرانسەری بەغداد. لە ڕووی کارەکانمانەوە و لە ڕووی جوگرافییەوە لە بەغدادین.

باڵوێز گەندی: ئێمە چوارچێوەیەکی کاری باشمان هەیە کە زۆر بە باشی دیاری کراوە و لەسەر بنەمای ئەوەش تەنها پەیوەندیمان لەگەڵ دامەزراوە تایبەتەکانی عێراق هەیە، بەتایبەتی وەزارەتی بەرگری و هێزە چەکدارەکانی عێراق. هەوڵێکی هاوبەشی باشی تێدا پێناسەکراوە بە مەبەستی پێشکەشکردنی پشتگیری ڕاوێژکاری بۆ ئەم دامەزراوانە.

ڕەنگە کارەکانمان ئەوەندە فراوان نەبێت کە چاوەڕێی بکرێت، بەڵام ئەوەی هەمانە پەیوەندییەکی نزیکە لەگەڵ وەزارەتی بەرگری عێراق لە ساڵی (٢٠١٨)ەوە.

باڵوێز گەندی: من باوەڕم وایە کە نوێنەرایەتی ناتۆ ئەوەندە ساڵە لێرەیە کە زۆر بەباشی عێراقییەکان لە ئێمە تێگەیشتوون کە ئێمە کێین. ناتۆ بە توندی لە چوارچێوەیەکی دیاریکراودا کاردەکات و دەتوانێت ستافی (٣٢) ئەندامی ناتۆ و وڵاتانی هاوبەشی ئۆپەراسیۆنی هەبێت، وەک ئوسترالیا و نەمسا. ئێمە فرەنەتەوەین و پێموایە لەم خاڵەدا ستافمان هەیە لە (٢٩) وڵات لە کۆی (٣٢) هاوپەیمانی ناتۆدا، و هاوبەشیی لەگەڵ ئوسترالیا و نەمسا، لێرە لە بەغداد. بۆیە، پێموایە ئێمە زۆر باش ناسراوین، و هاوبەشەکانمان بە تەواوی دەزانن ئێمە کێین. سەرەڕای ئەوەش،زۆر بە باشی تێگەشتوون لە ئەرکەکانمان و بە باشی دامەزراوە. ئەمانە پەیوەندییەکی درێژخایەنن کە ساڵانێکە بەردەوامن. کەواتە، پێموانییە هیچ ناڕوونییەک هەبێت سەبارەت بە نوێنەرایەتی ناتۆ و ئەرکەکەی.

باڵوێز گەندی: ئەرکی ئێمە زۆر جیاوازە. ئەوەی ئێمە کاری لەسەر دەکەین چاکسازی درێژخایەنی کەرتی ئاسایشە، و ئامانجی درێژخایەنمان هەیە (LTO) کە بەرنامەی ڕاوێژکاری و ڕاهێنان و پەروەردە لەخۆدەگرێت. وەک پێشتر ئاماژەم پێدا، ئێمە لە سەرانسەری بەغداد کار دەکەین. هەموو ئەو کارانەی کە ئێمە ئەنجامی دەدەین، لەسەر پشتگیریکردنی چاکسازی درێژخایەنی کەرتی ئاسایشە؛ بابەتەکانی وەک پلاندانان و بودجەی بەرگری، مافی مرۆڤ و یاسای مرۆیی نێودەوڵەتی، ڕاوێژکاری وەزاری، پەروەردەی ئاسایشی پیشەیی. ئەوان بنەمای بنیاتنانی ئەرکەکەمانن.

باڵوێز گەندی: ئەمە پرسیارێکی قورس دەبێت بۆ من کە وەڵامی بدەمەوە. ئەوەی من دەیڵێم ئەوەیە کە ئێمە بوارەکانی ڕاوێژکاری جیاوازمان هەیە کە پێکەوە لەسەری ڕێکدەکەوین. باسێکی بەردەوام هەیە لەسەر ئەوەی کە بەرپرسیارێتی نێوەندگیرەکانمان چییە، ئەوە چییە کە بیری لێدەکەنەوە، لێی دەکۆڵینەوە، یان ڕەنگە تەنانەت سەیری گۆڕانکاریش بکەین و دواتر ئەوە لە ڕاستیدا هانمان دەدات سەیری ئەوە بکەین کە دەتوانرێت چی بکرێت، بژاردەکانمان چین لەو ناوچانەدا، و ڕەنگە هەندێک لەو شتانە چی بن کە دەتوانن یارمەتیدەربن لە پلاندانانی هاوبەش لە هەندێک بواردا و دۆزینەوەی ئامانج و بوارەکانی هاوکاری.

باڵوێز گەندی: ئێمە لەسەر بانگهێشتی حکومەتی عێراق لێرەین. هەموو شتێک کە ئێمە هەوڵی بۆ دەدەین، بەهۆی داواکارییەکانیان و پێداویستییەکانی ئەوانەوەیە. ئێمە شتەکان زاڵ  ناکەین بە ڕەهایی، ئەو هاوبەشییەی هەمانە زۆر گرنگە بۆ ئەوەی دەمانەوێت لە مەودایەکەی درێژخایەندا بیکەین، و بۆ ئەوەی هاوبەشییەکە بەردەوام بێت. ئەگەر پلانەکان هی ئێمە بوایە نەک هی نێوەندگیرەکانمان، ئەوا پرۆسەکە بەردەوام نەدەبوو و مانای نەدەبوو. پێویستە لەلایەن سەرەتا ئەوانەوە پێناسە بکرێت بۆ ئەوەی ئێمە بتوانین پشتگیریان بکەین و بتوانن بە ئامانجەکانیان بگەن. ئەمەیە کە ئێمە لێرەین بۆ ئەوەی بیکەین.

باڵوێز گەندی: ئەرکی ئێمە لەلایەن ئەنجومەنی باکووری ئەتڵەسیەوە (ڕێکخراوی ناتۆ) دانراوە بۆمان و دەزانم لیوا ئەگوێرۆ لە چاوپێکەوتنەکەیدا باسی لەوە کردووە کە پرۆسەی بڕیاردانی ناتۆ چۆن کاردەکات. ئەرکی نێردەی ناتۆ دانراوە. جارێکی تر باس لەسەر گۆڕینی پەیڕەو و پرۆگرامی ئەرکی ناتۆ نییە. بۆ دووپاتکردنەوە، ئێمە لێرەین چاکسازی لە کەرتی ئاسایشدا دەکەین. ئەرکی ئێمە جۆرێکی زۆر جیاوازە لە کار، و ئەرکێکی زۆر جیاوازە. حکومەتی عێراق زۆر بە وردی و بە ڕوونی لە جیاوازی نێوان پەیڕەو و پرۆگرامی ئێمە و ئەوانەی قەوارەکانی دیکە تێدەگات. ئەو پەیامەی کە بە ئێمە گەشتووەوە ئەوەیە کە ئەوان دەیانەوێت بەردەوام بین لەو کارەی کە ئەنجامی دەدەین، ئێمەش بەنیازین بەردەوام بین لەو ڕۆڵە. ئێمە بەردەوام دەبین لە کارکردن لەگەڵ هاوتا عێراقییەکانمان بەرەو سەرکەوتنیان لەو بوارانەی کە پێکەوە پێناسەیان دەکەین لە ڕێگەی بنیاتنانی توانا درێژخایەنەکانمانەوە و ئەوە پلانەکەیە بۆ ئێستا.

باڵوێز گەندی: ڕاگەیاندنێکمان بینی سەبارەت بە کردنەوەی نووسینگەی پەیوەندییەکانی ناتۆ لە ئوردن. ناتۆ هاوبەشی لە سەرانسەری جیهاندا هەیە و هەندێکجاریش نووسینگەی پەیوەندی هەیە بۆ ئەوەی پشتگیری لە کارەکانی ئەم هاوبەشییانە بکات. بەڵام نوێنەرایەتی ناتۆ لە عێراق تەواو جیاوازە لە نوسینگەیەکی پەیوەندی. نووسینگەکانی پەیوەندی ناتۆ لەوێدان بۆ پشتگیریکردنی ناتۆ و وڵاتەکە بۆ ئەوەی پێکەوە کاربکەن. بە دڵنیاییەوە، هەرکاتێک ئەوان (نووسینگەی پەیوەندییەکان لە عەممان) بکرێتەوە، پێمخۆش دەبێت بزانم چی دەکەن.

باڵوێز گەندی: یەکێک لە گرنگترین شتەکان بۆ ئێمە دامەزراندنی کارمەندە، توانای هەبوونی ڕاوێژکاری گونجاو لێرە لە ئەرکەکەدا کە شارەزایی دروستیان هەبێت بۆ ئەوەی پێداویستییەکانی حکومەتی عێراق دابین بکرێت. توانای پێشکەشکردنی پشتگیری لە بوارە دیاریکراوەکانی کارکردن لەگەڵ هاوبەشەکانمان لە پێشینەی کارەکانە بۆ ئێمە. وە خۆشحاڵم ڕایبگەیەنم کە دەتوانین ڕاوێژکاری کوالیتی بەرزمان هەبێت کە بتوانن بە شێوەیەکی کاریگەر لەگەڵ هاوبەشەکانمان پێکەوە کار بکەن. ئەوە گرنگترین دەستکەوتە بۆ ئێمە. پێم وایە ناتۆ بە پێکهاتەیەکی گرنگ و بەردێکی بناغەی هاوبەشی عێراق دەبینێت. من ناتوانم قسە لەسەر وردەکارییەکانی گرنگیدانی ناتۆ لەسەر شوێنەکانی دیکە بکەم.

باڵوێز گەندی: ئێمە پەیوەندی کارکردنمان لەگەڵ نوێنەرایەتییە دیپلۆماسییەکانی وڵاتانی ئەندامی یەکێتی ئەوروپا هەیە، و بە تایبەتی پەیوەندیمان لەگەڵ نوێنەرایەتی ڕاوێژکاری یەکێتی ئەوروپا (EUAM) لە عێراق هەیە. ئێمە زۆر لە نزیکەوە لەگەڵیان کاردەکەین. هەندێک جار بە پێشکەشکردنی خولەکان و هاوکاریکردن لە بەرنامەی جۆراوجۆردا پشتگیری یەکتر دەکەین. لە چەند مانگی ڕابردوودا دوو وۆرک شۆپی هاوبەشمان پێشکەش بە وەزارەتی بەرگری کرد، سەبارەت بە شەفافیەت و لێپرسینەوە، و سەبارەت بە پزیشکی دادوەری لە بەرەنگاربوونەوەی تیرۆردا.

باڵوێز گەندی: یەکێک لە ئامانجە درێژخایەنەکانمان لەسەر ژنان و ئاشتی و ئاسایشە، بە تایبەتی لەگەڵ وەزارەتی بەرگری عێراق. لەوێ لەگەڵ بەشی کاروباری ژنان کاردەکەین. بۆ ئەم ئامانجە درێژخایەنە، چەند شتێک هەیە کە ئێمە سەیری دەکەین؛ یەکێک لەوانە پلانی کارکردنی نیشتمانیی عێراقە سەبارەت بە ژنان و ئاشتی و ئاسایش. هەروەها بڕیارنامەکانی ئەنجومەنی ئاسایشی نەتەوە یەکگرتووەکان سەبارەت بە ژنان و ئاشتی و ئاسایش (WPS) هەیە کە ٢٤ ساڵ لەمەوبەر دەستی پێکردووە و ئێستا بەشێکە لە کارنامەی نەتەوە یەکگرتووەکان. وڵاتان دەتوانن پلانی کارکردنی نیشتمانی خۆیان دروست بکەن. عێراق لە پرۆسەی داڕشتنی سێیەمین پلانی نیشتمانیی خۆیدایە (NAP). ئەوان بەنیازن لە ساڵی ٢٠٢٥ بەدواوە ئەم پلانە جێبەجێ بکەن. کەواتە، بە دڵنیاییەوە ئێمە توخمەکان لە دەوری بەشداریکردنی ژنان لە هێزە ئەمنییەکانی عێراقدا دەبینین. زۆر جێگای سەرنجە کە ستراتیجی چاکسازی لە کەرتی ئەمنی عێراقیشدا داوای بەهێزکردنی ژنان دەکات بۆ کارکردن لە دامودەزگاکانی کەرتی ئەمنیدا. کەواتە ئەوانە ئەو ئامانجانەن کە حکومەتی عێراق بۆ خۆی داناوە بۆ قسەکردن لەگەڵ ژنان لە کەرتی ئەمنیدا، کە دواتر هاوتەریب دەبێت لەگەڵ یەکێک لە ئامانجە درێژخایەنەکانمان. ئێمە وۆرک شۆپ لەسەر ژنان، ئاشتی و ئاسایش پێشکەش دەکەین و مەبەست لێی پەرەپێدانی هۆشیارییە سەبارەت بە کارنامەی ژنان و ئاسایش، و بەردی بناغەی ئەوەش داننانە بە کاریگەریی ناکۆکییەکان لەسەر ژنان و کچان. جگە لەوەش، زۆر گرنگە لە کاریگەریی ناکۆکییەکان لەسەر هەموو چین و توێژەکانی کۆمەڵگا تێبگەین و ڕێگە بە خەڵک بدەین بیر لەوە بکەنەوە کە ئەوە بۆ ڕۆڵەکانیان چی دەگەیەنێت.

وە لە ڕووی ژنانەوە بە شێوەیەکی بەرفراوانتر لە ڕۆڵی مەدەنیدا، هەر کارێک لەوێ بیکەین لەلایەن وەزارەتی بەرگرییەوە دەبزوێنرێت، بە لەبەرچاوگرتنی ئەوەی کە ستراتیجی چاکسازی کەرتی ئاسایش چی دەڵێت دەربارەی ژنان لە دامەزراوە ئەمنییەکان. هەر شتێک کە بیکەین لەلایەن نێوەندگیرەکانمانەوە هاندەدرێت.

باڵوێز گەندی: نازانم دەتوانم وەڵامی ئەو پرسیارە بدەمەوە یان نا. بەڵام دەتوانم بڵێم کە ژنان لە ڕۆڵی مەدەنیدا هەن و ئەوە شتێکی گرنگە. لە ڕووی ئەوەی کە هێزەکانی عێراق چۆن لە ژنان دەڕوانن لە بواری سەربازیدا، دەبێت لەو بارەیەوە پرسیار لە خۆیان بکەیت.

باڵوێز گەندی: پێموایە گەورەترین گۆڕانکاری لەدوای دوایین چاوپێکەوتن لەگەڵ فەرماندەی پێشوو ئەو کارەیە کە لەگەڵ پۆلیسی فیدراڵی عێراق ئەنجامی دەدەین. لەو ڕووەوە چوار ئامانجی درێژخایەنمان هەیە. ئەم بوارەی کارکردن ئەوەندە گەورە نابێت کە ئێمە لەگەڵ هێزە چەکدارەکانی عێراق دەیکەین. بەڵام ئێمە کار لەسەر پێناسەکردنی ئەو چوار بوارە دەکەین کە کاریان لەسەر بکەین. واتە جگە لە ڕاوێژکاری سەربازی و مەدەنی ئێمە ڕاوێژکاری پۆلیسیشمان لە بەرنامەدا هەیە. لە ئێستادا سەرنجی نوێنەرایەتی ناتۆ لەسەر ئەوەیە کە بەردەوام بین لەوەی کە ئێمە کردوومانە، و ئەوەی داوامان لێکراوە بیکەین.

باڵوێز گەندی: بێگومان. ئەمەش بەشێکە لە ئامانجە درێژخایەنەکان. کاری ڕاوێژکاری لێرە لە بەغداد بەڕێوە دەچێت و بەڕاستی شانازی بەوەوە دەکەین. بێگومان ئێمە جارجار پسپۆڕان لە دەرەوەی ئەرکەکەمان دەهێنین بۆ ئەوەی ڕاوێژی چڕتر پێشکەش بکەین، ڕەنگە بۆ نموونە وۆرک شۆپێک پێشکەش بکەین. بەڵام بنکەی سەرەکیمان لە ڕووی ڕۆڵی ڕاوێژکاریمانەوە لێرە لە بەغدادە.

ئێمە هەموو ئامڕازێک بەکاردەهێنین کە هەمانە بۆ ئەوەی باشترین پشتگیری پێشکەش بکەین کە لە تواناماندا بێت. بەڵام ناوەڕۆکی ئەو ئەرکەیە کە لێرەدایە، و ئەو کارەی ئێمە لە بەغداد ئەنجامی دەدەین. ئێمە تیمێکی ڕاوێژکاری زۆر دڵسۆزمان هەیە کە دەست بە دەست لەگەڵ هاوبەش و نێوەندگیرەکانیاندا کاردەکەن و ئێمە ئەمە زۆر بە جددی وەردەگرین. ئەمە کارێکی گرنگە؛ ئەمە بەرپرسیارێتییەکی گرنگە.